​胡杏儿顺产诞下细仔Liam！宣布封肚唔再生！

胡杏儿顺产诞下细仔Liam！宣布封肚唔再生！

话说早前可乐君就同大家

share过胡杏儿大住肚

拍摄嘅杂志大片，

当时已经有7个月身孕嘅杏儿，

睇落依然係明艳照人。

已经有两个仔仔嘅杏儿，

旧年圣诞宣布

有咗第三胎嘅时候，

大家都好好奇到底今次

呢胎会唔会係小公主呢？

不过对于网友嘅好奇，

当时胡杏儿就表示都係

想等bb出咗世再公布，

暂时都係等大家继续估下先~

不过睇翻杏儿今次陀b嘅样，

同之前两胎一样，

都係个鼻哥变大咗啲。

所以都有唔少网友猜测

杏儿今胎可能都係小王子。

就係琴日呢个bb性别嘅谜底

终于都开估啦！

同网友估嘅一样，

今次都係仔仔啊！

产前就已经表示过

自己好惊开刀嘅杏儿，

今次就喺老公李乘德嘅陪伴底下

拣咗顺产诞下8磅几重嘅细仔！

哇！都好重磅下啵！

同两个哥哥一样，

杏儿细仔嘅中文名

都係跟翻李家族谱嚟改，

叫做李奕宏，

而英文名就係Liam

有坚决嘅保护者嘅意思~

虽然liam嘅两个哥哥都仲细，

但杏儿就表示，

见到细佬出世之后，

佢哋都有争住佢睇同埋锡liam，

三兄弟之间真係好有爱啊！！

杏儿前两位小王子

个样真係超得意！

对住镜头又识摆pose！！

唔单止深得几位

嘅契妈s嘅欢心，

就连荧幕前嘅可乐君

都畀佢哋电到晕得一阵阵！

而啱啱出世嘅细仔Liam，

杏儿就表示佢生得似係

两个哥哥嘅mix~

wow，

咁睇嚟杏儿屋企又多咗位

颜值煞食嘅小王子啦！

关于细仔liam出世嘅好消息，

杏儿就係琴日下昼13:14

喺微博同大家分享。

对于呢个时间杏儿就表示，

係想寄托佢同老公会

爱护三个小朋友一生一世嘅意思，

真係好sweet啊！！

经已四年抱三嘅杏儿

之前都有透露老公李乘德

其实一直都好恨生女。

而家屋企已经有4条king

嘅杏儿就觉得，

虽然三胎都係仔，

不过都係时候收山了，

毕竟生都唔係问题，

最难嘅係之后照顾、教导

同培育小朋友成长~

出名搏杀嘅杏儿

未卸货之前大住肚都继续开工，

皆因佢想产前赚多啲奶粉钱，

之后就可以有多啲时间

enjoy家庭乐啦！

所以喺忙完一轮之后，

上个月杏儿就开始

喺屋企安心养胎了~

虽然开始喺屋企安胎，

不过杏儿依然好有心咁帮

大仔brendan做劳作功课噶：

睇下！

呢个咁趣稚嘅毛毛虫

就係杏儿亲手用卡纸剪出嚟噶啦！

真係廿四孝妈咪啊！

可以喺屋企陪住两个仔仔

的确係好难得嘅亲子时光，

不过杏儿间唔中都有

出巡探下班老友，

顺便呼吸下新鲜空气。

就係上个月头，

杏儿就去咗探班拍到

如火如荼嘅《白色强人2》啦！

睇翻当时嘅合照，

杏儿好似係着住病人服，

睇落有啲似係帮两位老友客串啵？

其实之前杏儿

接受访问时亦都提过，

话晒自己都喺TVB出身，

只要有好嘅剧本，

时间又夹到嘅，

都会考虑翻“娘家”拍剧噶~

话口未完，

杏儿就联同

嘅几位好姐妹，

一齐作客新一辑嘅《诸朋好友》。

睇嚟杏儿回巢拍摄剧集

都唔係冇可能噶！

如果係真，

大家又想睇杏儿挑战咩角色啊？

Any肥，

啱生完bb嘅杏儿，

都需要时间坐月

兼养翻好个身子先~

至于回巢嘅事了喔，

有最新动向可乐君一定即时

share畀大家嘅~

More · 今日娱乐看点

《妻子的浪漫旅行5》开播

期待已久嘅

《妻子的浪漫旅行5》

喺今日中午终于开播啦！

大家睇咗未啊？

李安获英国电影学院终身成就奖

据报道，

导演李安日前获得

《第74届英国电影学院奖》

颁发嘅终身成就奖！

真係恭喜晒！

吉濑美智子

据日媒，

曾出演《昼颜》、《血色星期一》

嘅日本女艺人吉濑美智子，

今日对外宣布离婚，

之后自己将会更加努力

做好演员同母亲嘅身份！

资料来源：微博

互联网综合整理